Dei beste arrangementa?

Gode arrangement er det mange av i distriktet vårt og kvar veke fartar journalistane i Strilen rundt på små og store tilstellingar. Dei mange arrangementa gleder folk i alle aldrar og lagar god stemning og samhald i nærmiljøet.

Denne månaden vil me difor bruka Nordhordlands beste-serien til å setja ekstra fokus på arrangement som lesarane våre set stor pris på. Me har oppfordra lesarane våre om å senda inn forslag og fått inn nominasjonar på 15 ulike arrangement.

Her får du møta dei åtte som går vidare til avstemminga på Strilen sine nettsider.

Det vert muleg å stemma på kandidatane fram til måndag 31. oktober.

Den av kandidatane som får flest stemmer vil kort tid etter få ei lita helsing frå avisa som synleg bevis på at dette er eit arrangement Strilen sine lesarar tykkjer svært godt om.

Nordhordlands beste er ei uhøgtideleg konkurranse i samband med avisa sitt 50-årsjubileum.

Meir informasjon om konkurransen og tidlegare vinnarar finn du også på desse nettsidene under kategorien «beste».

Lukke til med avstemminga.