Ein stad for å nyta, føla og sjå

Ekteparet Egill og Gudbjørg kom frå Island til Modalen, med seg i bagasjen hadde dei ei stor interesse for kunst og god mat. Det pregar også restauranten deira.

Egill og Gudbjørg er for tida på ferie og det har ikkje lukkast Strilen å koma i kontakt med dei, men på restauranten sine nettsider (modalensjofritid.no) kan ein lesa om vakker kunst og ei spennande og fargerik atmosfære.

Ein av lesarane som har nominert Mobryggja til Nordhordlands beste, kan fortelja om førsteklasses mat, ubeskrivelige eigarar og betjening.

Ein annan lesar kan fortelja at ho har ete ei fantastisk fiskesuppe her.

Mobryggja satsar på det beste dei kan få tak i av lokale råvarer. Menyen varierer med årstidene og restauranten kan også tilby catering og ordna julebord, viltbord og forskjellige buffetbord på bestilling.

Restauranten ligg i hjartet av Mo sentrum og det er fint muleg å koma både sjøvegen og landevegen.

No i januar er restauranten stengt, men frå 1. februar er han open att og då er det muleg å ta turen innom dei fleste dagar i veka.