For fleire og fleire

•    Første byggetrinn teke i bruk i 1983, andre byggetrinn i 1988
•    Elevar: 316
•    Tilsette: Kring 45 tilsette
•    Rektor: Olaf Hella
•    Skuletype: Ungdomsskule

– Musikkrommet med amfi har plass til 360 elevar, og der samlar me stadig vekk alle saman. Me prøver å ha ei samling kvar månad, der elevane kan visa fram ting dei øver på, eller kanskje det er Etiopia-innsamlinga, eller avslutningar, seier Olaf Hella.
Amfiet er i bruk også utanom skuletid, av lokale kor, av kulturskulen og til kristne samlingar.
– Det er eit viktig rom for skulen, seier Hella.
I nominasjonane får lærarane skryt, rektoren svarer med å skryta av elevane.
– Me har kjekke elevar, og ein lærarstab som er fagleg dyktig. Eg synest at me klarer å utvikla elevane både fagleg og sosialt, og tilbakemeldingane er at dei får oppgåver som er tilpassa deira meistringsnivå. Det er viktig med tydelege roller, og at elevane veit kva dei skal læra, seier Hella og viser til teoriar basert på John Hettie sitt forskingsarbeid.
Då Hella tok over som rektor, hadde skulen 171 elevar. No er det nesten dobla til 316, etter at ungdomsskuletrinnet i Alversund vart flytta til Knarvik.
– Det største klassetrinnet er 8. klasse, med 114 elevar. Og veksten held fram, skuleåret 2013/2014 kan det verta fem eller seks klassar på 8. trinnet.
Det siste tilbygget vart teke i bruk i desember 2009. Denne veka var det offisiell opning av skulen etter at også eldre delar har fått ei ansiktsløfting. I tillegg til sjølve skulebygget er det også ein paviljong mellom skulen og rådhuset.
– Me brukar nesten ikkje paviljongen no, men den kan avhjelpa ein del frå
2013/2014. Elevtalet då vil avhenga av kvar elevane frå Leiknes skule skal gå, seier Olaf Hella.