Frisk sjøsprøyt i Austrheim

«Arrangementet er eit friskt pust i Nordhordland som har sparka i gang ei havsportsatsing i regionen, men og har tatt eit ansvar for reiselivssatsinga».

Det skriv Øystein johansen i Sport & Fritid Norge, som synest Havsportveka fortener tittelen «Beste arrangement» når Strilen-lesarane kan starta å stemma frå i dag av.

Ei viktig argument er at veka er tilrettelagt for alle aldersgrupper. For å koma i hamn, står mange frivillige på dag og natt for å gje deltakarane best mogleg opplevingar.

Det folk kan delta i, er bla anna havfiske, rafting, vannski, jetski, vanleg segling, brettsegling, wakeboard, kajakkpadling og helikoptersafari, pluss konsertar.

Leiaren for veka, Odd Arne Blindheim, kunne gleda seg over 2300 deltakarar på den aller første Havsportveka i 2009. I den tredje veka i år var talet oppe i 6000, og det største arrangementet av dene typen i Norden har klare mål:
Eitt av dei er å verta større enn Exstremsportveka på Voss! Den er ingen konkurrent, berre eit føredøme.

Odd Arne Blindheim uttalte i 2009 at deltakartalet då viste at Havsportveka har eit stort potensiale. Og eit betre område for slike akvititetar enn Austrheim med sine mange øyar, skal ein leita lenge etter.

Arrangementet har også samla havsportinteresserte frå heile Nordhordland, Gulen og Bergen. Arrangørane har fått god hjelp frå både klubbar, lag, bedrifter og sponsorar for å koma i mål med arrangementet, som er lagt til midten av august.

I tillegg til lokalpressa, har også andre aviser og media fatta interesse for Havsportveka og gjeve de breid omtale. Arrangementet har fått god kritikk blant anna for lett tilgjengeleg informasjon, god service, transport og tryggleik.

Og har det vore regn, ser det ikkje ut til å leggja ein dempar på tilreisande og lokale si interesse for å koma seg ut på sjøen.