Innsats som fortener ros

I samband med Strilen sitt 50-årsjubileum vil me setja litt fokus på positive ting i distriktet vårt. Kvar månad dette året vil me ved hjelp av lesarane våre kåra Nordhordlands beste i bestemte kategoriar.

No i mars er det frivillige lag- og organisasjonar som står for tur. Me har bede lesarane våre om å nominera kandidatar som dei meiner har utmerka seg på ein positiv måte, og som dei meiner fortener litt ekstra ros og omtale i kvardagen.

Denne gongen fekk me inn femten forslag på kandidatar som lesarane våre meiner utmerker seg positivt. Me har lese grunngjevingane nøye, og ut frå dei har me plukka ut eit gruppe kandidatar som får vera med i konkurransen Nordhordlands beste

Alle forslaga som kom inn peika på gode kandidatar, og juryen har som vanleg hatt ein tøff jobb med å velja ut finalistar.

På dei neste sidene får du møta dei åtte kandidatane som er med i konkurransen Nordhordlands beste frivillige lag/organisasjon. Me håpar mange vil vera med å stemma fram kandidatane på Strilen si internettside. Avstemminga startar fredag og vil vera open fram til og med torsdag 31. mars. Dersom du ikkje har tilgang til internett er det også muleg å ringa inn ei stemme.

Kandidaten som får flest stemmer vil få ei lita helsing frå avisa og kan smykka seg med tittelen Nordhordlands beste lag/organisasjon.