Korpset som ­enga­sjerer ei heil bygd

•    Starta: 1968
•    Heldt til: På Kløvheim skule
•    Medlemmar: 26 i korpset og 16 aspirantar
•    Aktivitet: Skulekorps

Ho kan fortelja om eit korps med uvanleg godt humør.

– Alle som har vore litt i korpsmiljøet veit at ting går litt opp og ned. Me har opplevd stor utskifting i korpset dei siste åra. Me har vore heldige og hatt same dirigenten i mange år.

Knut Harald Rydland gjorde ein kjempejobb med korpset, men for to år sidan gjekk han av med pensjon. Omtrent samtidig kom det også eit  generasjonsskifte i korpset. Me hadde mange erfarne musikantar som gjekk av for aldersgrensa.  På to år mista me 14-15 dyktige musikantar. Når slike ting skjer, opplever ein gjerne at piffen går litt ut av korpset, men det skjedde absolutt ikkje her. Me fekk ein ny kul og fantastisk dyktig dirigent og dei yngre musikantane trødde til, seier leiaren.

I dag er gjennomsnittsalderen i korpset 13 år.

– Det er lågt, og gjev oss utfordringar når me stiller i konkurransar med meir erfarne korps, men det er det ingen her som bryr seg om. Stemninga er på topp uansett og me har ei foreldregruppe og ei bygd som verkeleg veit å støtta opp om oss.

– Og det har ikkje gått så verst i konkurransane heller

– Nei, me vann jo nett Hordablæsten for andre år på rad. I fjor vann me i tredjedivisjon og i år vann med andredivisjon. Så då kan eg lova deg det var jubel, seier Jorunn.

Ho meiner at støtta frå foreldregruppa og bygda har mykje å seia for at korpset har lukkast så bra.

– Når folk rundt er positive og viser at dei har tru på oss og likar at det er eit korps i bygda, så påverkar det også miljøet i korpset. I bygda vår har me mange eldsjeler og når det gjeld skulekorpset er det spesielt eitt namn som må nemnast.

Det er Wenche Mjanger Eide og har fylgt korpset i mange, mange år. Ho er ikkje redd for å ta i eit tak, ho praktisk talt er korpset, rosar Jorunn, som også kan fortelja om godt oppmøte på den årlege korpsbasaren.

– Basaren er veldig viktig for oss. Den syter for heilt nødvendige inntekter, og folk i bygda kjøper lodd enten dei er interessert i korps eller ikkje, og dei møter opp for å høyra på oss.

Årets bassar er faktisk alt no på søndag, og me håpar og trur at det kjem mykje folk i år også, seier Jorunn, som kan fortelja at korpset alt er i gang med øvinga til neste store hending. Det er Noregsmeisterskapen i juni.