Med Filmmaraton, tacobord og Halloween

Ungdomsklubben i Austrheim er svært populær. Det er ikkje rart for, dette er ein klubb med eit stort tilbod. Klubben har ope tre dagar i veka for dei som går på vidaregåande skule, og annankvar fredag er det klubb frå elevar i 10.klasse og oppover. Klubbleiar Heidi Pedersen Sylta, og frivillige som blant anna Vibeke Fenne og Henrik Austrheim, har laga eit miljø som ungdommane trivst med og kjenner seg trygge i, heiter det i ein e-post som Strilen har fått.

Og ungdommane som kjem til klubben får sjølve vera med å arrangera ulike temakveldar, og hjelpa til i kiosken. På ein vanleg klubbkveld brukar det å koma ein stad mellom 30 og 40 ungdommar.

På temakveldane annankvar månad inviterer dei også ungdom frå andre kommunar. Då kjem det folk både frå Lindås, Radøy, Meland og Fedje for å vera med. I år har klubben blant anna hatt tacobord der nesten 100 ungdommar deltok og Halloweenparty med 175 menneske.

Ein gong i månaden er det også bowling i Leirvåg, og dei arrangerer ulike kurs til dømes «Pimp up your veske», mala på lerret og mekkekurs. Ungdommane som kjem hit for også noko å tenkja på, og klubben har blant anna hatt besøk frå SOS Rasisme der Lars Storeøster fortalde om korleis han var som nynazist og korleis han har endra meining.

Nyleg arrangerte klubben også speldag og før jul vert det sjølvsagt juleball, så ungdom i Austrheim har mykje å gle seg over.