Øksnes friluftsområde

* Stad: Nordvestsida av Fosnøy, vest for Øksnesvågen i Austrheim. * Storleik: Rundt 90 dekar. * Type: Tilrettelagt badeplass.

I friområdet på Øksnes ligg det ei badevik med flott sjøutsikt og ettermiddagssol. Dette friområdet er eit av mange som Bergen og Omland friluftsråd har ansvaret for, og skal vera tilrettelagt med parkering og slipp for sjøsetjing av båt. Og badeplassen er omtalt på BOF sine nettsider, der toalett, informasjonstavle, fast grill, bord og mulegheit for å setja opp telt er viktige stikkord i omtalen. I dette friluftsområdet er det fleire turstiar og gangvegar. Teltet kan du slå opp på austsida av vika, og på vestsida er det stupebrett med badestige. Fjøra er langgrunn og området er også eit greitt utganspunkt om du vil på padletur. Nord for friluftsområdet er det nemleg fine øyer som kan utforskast med kajakk.