Primus motor i Fedje IL

Herøy var med i idrettslaget alt på 1990-talet. Kring fem år før han flytta tilbake til øya i 2001, vart han spelande trenar for a-laget. Han er ein av slitarane og trenar vel nesten alt av barnelag innan fotballen, og både spelar og trenar på a-laget.

«Berre det å orka det år etter år, med sviktande oppmøte og elendige resultat, gjer at han fortener ein pris», skriv innsendaren av forslaget på Herøy.

Kandidaten har sjølv fire born og trenar fotball fleire kveldar i veka. I tillegg er han ein systematisk mann som har fått tid til å få idrettslaget på fote att organisatorisk. Dansar og andre inntektsgjevande arrangement får han og tid til å organisera.

«Når me er så få på Fedje, er det veldig få å fordela arbeidet på», har folk høyrt Stian Herøy seia sjølv.

Utan han er det ikkje sikkert at me hadde hatt noko idrettslag på Fedje i det heile, skriv den som har nominert han.