Rock, rap og Jenny Jenssen

Festeval oppstod i 2008 som resultat av at ein gjeng ungdommar ville få noko til å skje i heimbygda si.

– Første året var det lokale krefter som fekk sleppa til. Me visste ikkje heilt kva grunnlag det var for eit slikt arrangement, fortel Arild von Feste, som var vore med sidan starten.

Namnet Festeval kjem sjølvsagt av at det er ein festival på Feste.

Alt andre året gapte ein høgare. Då vart Festevalen utvida til å strekkja seg over to dagar, og då var den kjende gruppa Pogo Pops trekkplasteret saman med The Rolling Clowns. Men kvart år har det vore lokale krefter med på festivalen.

Alt andre året vart det bygda ein amfiscene oppom kaien på Feste, og det var oppretta Festeval-Camp.

I 2010 satsa ein endå høgare, med scene både på kaien og amfiscena. Artisttilbodet vart utvida. Ralph Myers & The Jack Herren Band og Jenny Jensen var hovudattraksjonane i tillegg til mange lokale artistar. Men Festevalen var uheldige med veret, og det heile enda med eit ganske stort underskot.

Årets Festeval var difor redusert til å strekkja seg berre over ein dag og på ein scene. Likevel sette ein publikumsrekord med om lag 1.200 på plass. Trekkplater var rapparen Lars Vaular og Idol-artisten Hans Bollandsås. Jenny Jenssen var med i år og, pluss fleire lokale artistar som Tanita Kolås.

Festevalen 2011 gjekk med overskot.

– Me vurderer no om me skal ha Festeval i 2012. Det er ikkje heilt avklart enno, seier Arild von Feste.

Men uansett vil han retta ein stor takk til alle som har gjort ein frivillig innsats i Festevalane til no.

– Utan velvillig medverknad frå bygdefolket hadde me ikkje kunna ha Festeval, seier han.