Står på for ­Friskusane

Audun er ei eldsjel i det lokale padlemiljøet i Nordhordland Padleklubb, der han er utnemnd til «inkluderingsminister». For det arbeidet han har gjort for inkludering blant anna av utviklingshemma, vart han nominert av Hordaland Idrettskrets til «Inkluderingsprisen 2011».

I nomineringa er det lagt vekt på at padleklubben er ein svært godt eigna arena for inkludering og meistring. Klubben og Haaland har tatt konsekvensen av av at Norges Idrettsforbund er ein organisasjon både for funksjonsfriske og andre medlemmer. NIF har som uttalt mål å verta nummer ein på inkludering, og det er her Håland gjer ein innsats.

Den lokale padleklubben sitt eige prosjekt med inkludering starta opp tid­leg­are i år. To som har hatt god nytte av dette, er Sunniva Eikefet og Therese Meland. Begge desse to 25-åring­ane har gjort stor framgang.

– Eg synest det er kjempekjekt å vera på sjøen, seier Sunniva til Bergens Tidende i ein reportasje tidlegare i haust. Og ikkje nok med det: No vil dei gjennom ei arbeidsgruppe også jobba for at fleire utviklingshemma kjem med i padlemiljøet, og det er noko som gler Audun Håland. Dette viser at dei nye medlemmane også kan verta ein ressurs for klubben.