Står på for samfunnshuset

Ho skriv at Sjurseth er i Haugatun «mest til alle døgnets tider». Han ryddar blant anna ute og inne etter at huset har vore i bruk, og han vaskar og held orden på vaskemidlar, toalettpapir og tørkerulla utan at nokon ber han om det, Om sommaren når huser står tomt, bonar han golva. Han vaskar golva grundig, slik at dei er reine nok til lakkering. I løpet av denne årstida reinsar han også alle stolane. Ikkje nok med det: Han passar på at boset vert sett ut for henting, og han passar på at bord vert reparert når det trengst.

«Vaktmeisteren» passar også på oppvaksmaskina og reinsar den når det trengst. Han vaskar opp alle moppar etter golvvask og vaskar dukar og handdukar. Etter at det har vore arrangement i samfunnshuset, tar han matavfall med seg heim for heimekompostering.

Forslagsstillaren opplyser også at Hallvard kan laga mat også, og han har servert Lindås Ungdomslag når dei har hatt lange øvingar. Han får også tid til å returnera flasker for panting, og han passar på å desinfisera dørhandtak og det folk elles rører ved.

«Dette gjer han når ingen andre er i huset, slik at ingen veit kva for arbeid han legg ned gjennom heile året. Og dette har han gjort i 25-30 år. Så han er absolutt ein pris verdig heiter det i nominasjonen.