Svært aktiv sambygding

Og det er ikkje få: 4H, grendahuset, Lyngheisenteret, Soknerådet, bedehuset, barnehagen, Seim musikklag, Myksvoll meieri og bryggje og FAU.

Og så er han også «Ein god nabo», som blant anna har hjelpt til med bygging av terrasse i ein heim der mor fekk alvorleg MS og hamna i rullestol. Då meinte Vidar at ho som kom i rullestol også måtte få koma seg ut. Han fekk med seg fleire velvillige karar som tok eit tak saman med mannen i huset og fekk bygd terassen

I dei ulike lokale laga, er Vidar ein av åtte klubbrådgjevarar i Samhald 4H, og viktig for klubben som vaksen støtte­spelar. Grendahuset er bygd på dugnad over fleire år, med Vidar som ein av dei aller viktigaste bidragsytarane som neve­nyttig tømrar.

På Lyngheisenteret er Vidar ein støtte­spelar som alltid kan ringjast når noko må fiksast. Han hjelper alltid så sant han kan. Soknerådet støttar framlegget fullt ut, for trengst det kyrkjetener på kort varsel, stiller Vidar og ordnar med ringing, dugnad og frakting av juletre, for å nemna noko.

Bedehuset har også nytt godt av mykje praktisk hjelp frå den same karen. Og med barnehagen som nabo, har han stillt opp med ein solid lavvo, tøm­mer­reis­verk og vedlikehald. I tillegg har han fått tid til å vera ein pådrivar for restaurering av Myksvoll Meieri og bryggje. Og han har vore medlem av FAU ved Festo skule i fleire periodar.

«Med fartstid i alt som rører seg i bygda, har han vore ein fantastisk ressurs også for FAU», heiter det i det grunngjevne forslaget.