Vågseidstranda

* Stad: På Vågseidet i Lindås kommune. * Type: Badevik i tilknyting til feriesenter.

Badevika ligg på innsida av feriesenteret sine gjestebryggjer og her er det fine forhold for den yngre garde. Sandstranda er ikkje så stor, men det vert fort varmt i vatnet og det er eit stort pluss. Fleire har tipsa oss om denne stranda, og dei set spesielt pris på alle aktivitetane ein kan gjera her. I tillegg til vassklie, har badegjestar fått låna gigantiske baderingar som er kjekke å leika med, og sidan feriesenteret har gjestebryggje for båtfolket er det gode forhold for dei som kjem sjøvegen. Det er også ein liten kiosk på staden, så vil du ha is, fiskeutstyr eller ein liten suvenir er det mulegheit for det. Det er også muleg å prøva ATV og leiga småbåt, kano eller pedalbåt for dei som ønskjer det.

– Det er veldig flott at nokon har laga til ein badeplass på sin private eigedom på denne måten. Vanlegvis vil jo folk ha eigedommane sine i fred, men her vert alle tatt imot med eit smil, skriv ein av dei som har nominert denne stranda.