Er dette den beste turistattraksjonen?

I august månad kårar me «Nordhordlands beste turistattraksjon», og avstemminga så langt tyder på at Hellisøy fyr ligg best an til å få den tittelen.

Tysdag føremiddag var det registrert 115 stemmer på fyret utanfor Fedje, som leia konkurransen framfor Gulen dykkarsenter med 57 stemmer. Andre kandidatar det er muleg å stemma på er: Bjørn West-museet på Matre, Gulatinget på Flolid, Lyngheisenteret på Lygra, Tjorehagen i Radøy, Meland golf på Fløksand og Vestnorsk utvandringssenter på Sletta.

Dersom du framleis ikkje har stemt, må du skunda deg. Du finn avstemminga ved å klikka på den blå boksen merka «Stem her», eller gå inn på kategorien «Beste» på denne nettsida. Klikkar du deg inn der, kan du også lesa meir om konkurransen og dei ulike kandidatane.

I september vil me kåra Nordhordlands beste politikar. Og det er no muleg å senda inn forslag på kandidatar. Veit du om ein politikar som fortener ekstra ros og omtale, kan du senda di grunngjeving for dette på e-post: beste@strilen.no. Kandidatane til tittelen Nordhordlands beste politikar vert presentert i papiravisa i midten av september (etter valdagen).