Fylte kyrkja med magi og folk

Heile 270 personar møtte fram for å få med seg den prisløna norske bluesgitaristen og komponisten Knut Reiersrud og komponisten og organisten Iver Kleive.

Til og med i koret måtte det setjast stolar for å få plass til alle.

Tok publikum med storm

Dei to tok publikum med storm får første tone med ein kombinasjon av den norske folketonen «For Guds Folk Er Hvilen Tilbake» og Bill Withers' «Grandma's Hands» frå albumet «Nåde over Nåde».

Knut Reisersrud gratulerte kyrkjelyden med 150-årsjubileet i fjor, som konserten skulle vera ein avslutningskonsert for.

– Takk for at du ringte oss, kantor Gunnar Hageberg , for her er det fint å vera, sa han.

Han roste også kyrkjerommet, som han etter fleire timar med førebuing til konserten, syntest var veldig fint å spela i.

For Reiersrud var konserten den første her på desse kantar.

Men Iver Kleive har vore her før.

– Eg trur det var i 1997, då eg var med på eine plata til Kjersti Wiik, seier han.

Kleive skreiv også musikken til den prisløna dokumentarfilmen til Øyvind Sandberg «Folk ved fjorden», som no er sett av over ti tusen.

– Eg har bede Magnhild ta med nokre pølser til meg, fortalte han Strilen medan han leita etter lommeboka etter konserten.

Les meir om konserten i papiravisa tysdag.