Hamna i fjellveggen

Den 18 år gamle mannlege bilføraren vart sendt til Haukeland universitetssjukehus med ambulanse, medan den 18 år gamle kvinnelege passasjeren vart send med luftambulanse. Då Strilen tok kontakt med kommunikasjonsrådgjevar Camilla Crone Leinebø ved Helse Bergen måndag føremiddag, sa ho at kvinna var skriven ut. Mannen klarte dei ikkje finna i systemet sitt, noko som truleg betyr at også han er utskriven.
Då politiet kom til ulukkesstaden, var det så glatt i vegbana inne i tunnelen at det var så vidt dei kunne føta seg. Om det var dette som førte til ulukka eller om det var ulukka som førte til at det var glatt, kan ikkje politiet seia noko sikkert om. Men dei måtte strø heile tunnelen, fortel lensmann Einar Vatne ved Nordhordland lensmannsdistrikt. Vegen vart stengt like etter at ulukka skjedde klokka 21.04 og var stengt i over ein time. Trafikk forbi ulukkesstaden vart dirigert inn på gamlevegen.