Politi på fisketur

Det er ikkje kvar dag politiet i Nordhordland sender mannskap ut på fisketur, men fiskelukke har dei.

I dag er politiet i aksjon i Hagelsundet mellom Knarvik og Flatøy. Strilen følgde arbeidet deira halvannan time. På den tida henta dei opp to bilvrak frå fjorden. Arbeidet med å fiska opp bilar held fram utover dagen. Klokka 16 var fire bilvrak henta opp av sjøen og det pågjekk framleis arbeid på staden. Politiet reknar med at det kan vera så mykje som 10 bilvrak på staden og mistenkjer at bilane er dumpa der i samband med forsikringssvindel.

Bilane vert heiste opp av djupet med ein solid kran og plasserte på dekk på kranbåten. Bilvraka ligg slik til at det er grunn til å tru at dei er dumpa utfor ein skråning på Knarviksida.

I Strilen laurdag kan du lesa meir om aksjonen.