Skadd i frontkollisjon

Det var ein buss og ein personbil som frontkolliderte. Det var to personar i personbilen.

Ein skal ha kome seg ut ved eiga hjelp, men den andre sat fastklemt og måtte skjerast laus av mannskap frå Lindås og Meland Brannvesen.

– Den skadde, ein 69 år gammal mann, var bevisst då han vart frakta med luftambulanse til Haukeland Universitessjukehus, opplyser operasjonsleiar Preben Wallestad til Strilen like før klokka 16.00.

Kollisjonen vart rapportert til Brannvakten i Bergen kl. 14.45.

– Det var røykutvikling frå personbilen, men ikkje no lenger etter bruk av sløkkjeapparat, opplyser eit vitne på staden til Strilen om lag klokka 14.55. Då var brannbilar og sjukebil framme ved staden. Ulukka har skjedd ved Steinberget rett nord for Fløksand.

Det vart store materielle skadar på personbilen.

Frå Nobina i Knarvik får Strilen opplyst at bussen var tom og på veg til Rossland skule for å henta elevar.

Personbilen måtte tauast bort frå staden, medan bussen var i køyrbar stand. Ulukka førte til køar og politiet måtte driva manuell dirigering av trafikken ei tid ut over ettermiddagen.