Smell ved flytebrua

Kollisjonen skjedde fordi bilen som var på veg inn på brua frå nord, kom litt over i motsett køyrebane og kolliderte med ein bil på veg nordover. Bilane støytte saman på sida, og begge hjul på den eine bilen og eitt hjul på den andre punkterte så ingen av bilane kunne køyra vidare ved eiga hjelp. Men ingen av dei to sjåførane vart skadde i samanstøyten, og skaden på bilane var heller ikkje så omfattande.

Sjåføren i bilen på veg sørover har til politiet sagt at han kvapp fordi noko hoppa ut i vegen framfor bilen, men politiet veit ikkje om dei vil lita på den forklaring.

– Då burde han ha gjort ei brå rørsle ut i vegen, og det gjorde han ikkje. Det kan vera at han var oppteken av noko inne i bilen, eller har sovna, og slik har skrådd over i motsett køyrebane, seier politioverbetjent Kjell-Idar Vangberg til Strilen.

Det vart litt kø då bilane vart fjerna, men det gjekk ganske fort.