Strilen Cupen godt i gang

Det kokar i Nordhordlandshallen denne helga. Laurdag og søndag skal det spelast heile 150 kampar, og 71 lag frå 19 klubbar er påmelde.

Strilen møtte også Eikanger 1 etter to tap, ført 3-4 mot Askøy og deretter 1-3 mot Åsane.

– Ballen ville ikkje i mål i dag, seier Robin Østerbø trass i at han klinte inn eit mål mot Åsane i siste minuttet av kampen. Og då gjekk han på med alt han hadde.

– Eg er ingen dårleg tapar, men i dag er eg ikkje nøgd, seier han og ristar på hovudet.

I deira gruppe, gutar 97, er det fem lag med og mykje kan framleis skje.

– Eg synest me har spelt gode kampar, men berre hatt litt uflaks, seier vingen Aleksander Haarklau som er så rask at han nesten ikkje er nedpå når han spring.

– Ja, han er kjemperask, stadfestar dei andre.

Laget sin einaste keeper, Oddbjørn Molvik gjorde ein bra jobb, men vart lurt heile tida, følte han.

– Det var så mange lureskudd, seier han medan han medan han gumlar på ein vaffel.

På høgtalarane ber dei Eikanger 1 gjera seg klare for ny kamp på bane tre medan Eikanger 2 skal i elden på bane 1.

– Kom igjen, no må me varma opp, seier ein av trenarane, Olav Kolås og dreg gutane med seg til bane tre.