Tankbil i grøfta

Ulukka skjedde litt over klokka åtte i dag tidleg, torsdag. Bilen har truleg berre glidd ut i grøfta på grunn av svært glatt føre på staden.

– Me har ikkje opplysningar om at andre køyretøy var involverte i ulukka, seier politioverbetjent Roar Brudevoll ved Gulen, Masfjorden og Solund lensmannsdistrikt til Strilen.

Sjåføren i tankbilen kom ikkje til skade i utforkøyringa, og det har heller ikkje vore lekkasjar frå tanken.

Tømast?

Utforkøyringa skjedde i ein sving, men der vegen er ganske brei. Difor er det ikkje problem for trafikken på staden å passera.

– Sidan det er farleg stoff på tanken, vert det no vurdert om ein skal tøma tanken for ein flytter bilen, eller ein skal trekkja bilen på vegen med lasta i. Dette vert no vurdert av brannvesenet i samråd med eigar av bilen, seier Brudevoll.

Når lasta skal over i annan bil eller tankbilen skal trekkjast opp på vegen, kan vegen mellombels verta stengd, seier Brudevoll.