Veit du om ein bra skule?

Det finst mange meiningar om kva som er ein god skule og det er ikkje nødvendigvis avhengig av karakterar og storleik. I april set me fokus på skulane, og me treng di hjelp til å finna ut kven som fortener litt merksemd.

Dei som følgjer litt med i avisa, har nok fått med seg at Strilen fyller 50 år i år. I løpet av desse åra har tilsette i avisa reist rundt i distriktet og sett og opplevd utruleg mykje flott. I jubileumsåret vil me gjerne framheva positive innslag i distriktet vårt. Difor har me starta ein konkurranse som har fått namnet Nordhordlands beste.

Kvar månad oppfordrar me lesarane våre om å nominera kandidatar til tittelen «Nordhordland beste» i ulike kate­go­riar. Dette er ikkje ein kon­­kur­ranse med dei store premiane og omfattande kvali­tets­vurdering, men ein konkurranse der lesarane våre gjennom sitt engasjement kan framheva det dei synest er bra.

Til konkurransen denne månaden, er det muleg å nomi­nera alle typar skular. Det kan vera barneskular, ungdomskular, vidaregåande skular eller folke­høgskular.

For å nominera ein skule sender du ein e-post til adressa: beste@strilen.no med ei grunngjeving på kvifor du meiner akkurat denne skulen bør vera med. Det må skje innan fredag 8. april.

Etter denne datoen vil ein jury i avisa vurdera dei innsendte forslaga. Juryen gjer si vurdering ut frå det som kjem fram i grunngjevingane og talet på nominasjonar og plukkar ut eit utval som vert omtalt i avisa.

Dei som får omtale på trykk vert også med i konkurransen om tittelen «Nordhordlands beste skule» og kan stemmast fram på Strilen sine nettsider.