– Garveriet vert ikkje lagt ned

– Det kjem nye leigetakarar frå første april. Og Garveriet skal vera det same, men med meir matservering på vekedagane, seier Ones til Strilen.

– Vert det livemusikk, slik det har vore tradisjon for på Garveriet? (Biletet viser gitaristane i Jumpin’ Back Flash)

– Ja, det vert livemusikk, seier Ones.

Nokre endringar kjem det nok til å verta når Margunn Solvik takkar av og nye folk tek over. Mellom anna skal lokala «shinast opp», ifølgje Ones.

Han og dei nye leigetakarane er einige om utgangspunktet for ein ny kontrakt.

– Det er profesjonelle folk som driv i bransjen i Bergen. Egil Arne Økland har Torget Music Pub, og samarbeidspartnaren han har med seg driv fleire restaurantar i Bergen, seier Ones, som ikkje vil røpa heilt enno kva for restaurantar me snakkar om.

Han fortel elles at han har hatt tre-fire interessentar berre siste året som har sett på utestaden i Isdalstø.