Strilen Dobbelt til Nordhordland i Siddis Brass

Siddis Brass i helga, gjekk EBML til topps og Manger Musikklag vart nummer to i elitedivisjonen.

Publisert 05.11.11 23:20
Endret 08.11.11 13:11

Nordhordland har på nytt prega underhaldningskonkurransen Siddis Brass i Stavanger. I tillegg til å kapra dei to gjevaste plassane i elitedivisjonen, vann Bjørsvik Brass 1. divisjon som i fjor, medan Seim Musikklag vann 4. divisjon.

EBML med dirigent Reid Gilje vann elitedivisjonen med 108 poeng, fire poeng framfor Manger Musikklag som var dirigert av Martin Phillip Winter. I fjor vann Manger med same poengsummen over EBML.

Har full kontroll
– Med femten sigrar og elleve andreplassar har me vunne over halvparten av dei 29 Siddis-konkurransane, så dette har me kontroll på, ler presseansvarleg og nestleiar i Eikanger Bjørsvik Musikklag, Viggo Bjørge.

Så vidt han kan hugsa, har Manger Musikklag vunne Siddis sju gonger og Stavanger Brass Band seks gonger.

Alle leverer
Bjørge fortel at korpset har hatt eit kjempeår og vunne alle tre konkurransane dei har vore med på i år.

– Dirigenten Reid Gilje og korpset er flinke å finna fram til gode program som eignar seg til Siddis. Me er veldig nøgde, spesielt med 5 nye musikkantar. Alle leverer, seier han.

Med NRK på slep
Med seg på konkurransen hadde dei NRK-teamet som er godt i gang med dokumentarserien om brassmiljøet i Nordhordland, som skal sendast hausten 2012.

– Me hadde to fotografar med oss i bussen og ein i lastebilen. Dei var med på alt frå oppvarminga til sigersfesten, seier Bjørge.

Konkurransen vart også filma av NRK Rogaland og vist på nett-tv.

Held koken
Bjørsvik Brass med dirigent Bjørn Sagstad gjekk som i fjor, til topps i 1. divisjon. Tubaisten, Ståle Sleire Johansen fekk solistprisen.

Radøy Brass med Magnus Brandseth som dirigent, klatra ein plass høgare opp på resultatlista enn i fjor og ligg no på ein tredjeplass i førstedivisjon med 102 poeng. Oster Brass og Torstein Aagard-Nilsen måtte i år nøya seg med ein åttande og nest sisteplass.

Held nesten koken
I andredivisjon var det to brassband med frå Nordhordland; Manger Old Star Brass dirigert av Johannes Mangersnes, og Lindås Brass dirigert av Hogne Holmås. Desse kom høvesvis på femte og trettandeplass.

I tredjedivisjon var det ingen frå Nordhordland med, men i fjerdedivisjon slo nykomlingen Seim Musikklag til og kapra både førsteplassen og solistprisen med Asbjørn Hauge som dirigent.

Europameistrane spelte festkonserten
Sidan Manger Musikklag kan visa til stor suksess dei siste åra, var det dei som fekk æra av å spela under festkonserten i Konserthuset laurdag kveld.

Korpset vann blant anna Siddis i fjor. Elles har dei mange gode resultat å visa til frå Grenland Internasjonale Brass Festival, NM Brass og er, etter sigeren i EM Brass 2011 i Montreux, regjerande Europameistrar som det første norske korpset sidan 1989!

Musikklaget presentere eit flott og variert program med fengande rytmisk musikk med solistar frå eigne rekkjer og blant anna eit tjuetals sveitsiske kubjøller.

Her er alle resultata:

Elitedivisjonen

Pl.	Korps	Dirigent	Poeng
1	Eikanger-Bjørsvik Musikklag	Reid Gilje	98	10	108
2	Manger Musikklag	Martin Phillip Winter	96	8	104
3	Stavanger Brass Band	Allan Withington	94	9	103
4	Oslo Brass Band	Frode Amundsen	92	8	100
5	Sola Brass Band	Michael Antrobus	90	8	98
6	Krohnengen Brass Band	Gary Peterson	91	5	96
7	Oslofjord Brass	Simon Dobson	88	6	94
8	Montebello Brass	Dr. P. N. Kragh-Riesling d.y.	87	7	94
9	Jaren Hornmusikkforening	John Philip Hannevik	86	5	91

Solistpris:
Eva Bortne, Kornett, Stavanger Brass Band

1. divisjon

Pl.	Korps	Dirigent	Poeng
1	Bjørsvik Brass	Bjørn Sagstad	98	8	106
2	Askøy Brass Band	Svein Henrik Giske	95	9	104
3	Radøy Brass	Magnus Brandseth	94	8	102
4	Laksevåg Musikkforening	Reid Gilje	92	8	100
5	Musikkorpset Gjallarhorn	Espen Westbye	91	8	99
6	Kleppe Musikklag	Rune Hannisdal	89	9	98
7	Alexander Brass Band	Jakob V. Larsen	89	8	97
8	Oster Brass	Torstein Aa.-Nilsen	88	8	96
9	Sørum Musikklag	Christian Tenfjord	87	7	94

Solistpris:
Ståle Sleire Johansen, Tuba, Bjørsvik Brass

2. divisjon

Pl.	Korps	Dirigent	Poeng
1	Tromsø Brass	Geir Davidsen	97	9	106
2	Tertnes Amatørkorps	Sindre Dalhaug	95	8	103
3	Hasle Brass	Robert Solberg Nilsen	94	8	102
4	Fjell Brass	Svein Henrik Giske	92	8	100
5	Manger Old Star Brass	Johannes Mangersnes	91	6	97
6	Gjesdal Brass Band	Jonas Skartveit Rogne	90	7	97
7	Rong Brass	Eirik Gjerdevik	90	6	96
8	Stangaland Brass	Jan Magne Olsen	89	7	96
9	Agder Brass	Åsmund Gjære	89	6	95
10	Hornorkesteret Stavanger	Mats Urdal Aasen	88	7	95
11	Flesland Musikklag	Patrik Randefalk	87	6	93
11	Sagvåg Musikklag	Håvard Kroka	87	6	93
13	Lindås Brass	Hogne Holmås	86	6	92
14	Haukås Musikklag	Jan Egil Jørgensen	85	5	90
15	Follesø Musikklag	Egil Magnussen	84	5	89

Solistpris:
Cathrine Opheim, Trombone, Hasle Brass

3. divisjon

Pl.	Korps	Dirigent	Poeng
1	IMI Brass	Per-Erik Petersen	96	8	104
2	Tysvær Brass	Jacob Vilhelm Larsen	95	5	100
3	Krapfoss Hornorkester	Espen Ødegaard	92	7	99
4	Langhus Brass	Tarjei Gilbrant	91	8	99
5	Indre Torungen Brass Ensemble	Lars-Bjørnar Strengenes	90	8	98
5	Randaberg Musikkorps	Morten Wensberg	90	8	98
7	Lyshornet Brass	Karl Ole Midtbø	89	8	97
8	Stavanger Kommunes Korps	Geir Karlson	89	7	96
9	Musikkorpset Heimdal	Per Olav Paulsen	88	8	96
10	Hordvik Musikklag	Patrick Randefalk	88	7	95
11	Salhus Musikklag	Knut Emil Mjøs	87	7	94
11	Skeie Brass	Nigel Fielding	87	7	94
13	Rosendal Musikklag	Torstein Hatlevik	87	6	93

Solistpris:
Lars Bjørnar Strengenes/Britt Hilde Våge, Euphonium,
Indre Torungen Brass Ensemble

4. divisjon

Pl.	Korps	Dirigent	Poeng
1	Seim Musikklag	Asbjørn Hauge	94	9-1	102
2	Tysnes Musikklag	Yngve Nikolaisen	93	7	100
3	Riska Musikkorps	Arne Stian Aarrestad	91	6	97
4	Sotra Brass	Thor Arne Pedersen	89	7	96
5	Hetlevik Musikklag	Einar Gjelsvik	88	6	94
6	Fitjar Musikklag	Torbjørn Røssland	87	6	93
7	Lyngdal Brass	Jostein Sneve	86	4	90
8	Hinna Brass	Else Irene Kjellevold	84	6	90