Manger vann NM

Manger skulemusikklag har vunne NM for skulekorps fleire gonger. I fjor vart dei nummer to, men no er dei nok ein gong det beste skulekorpset i Noreg.

Konkurransen vart spelt laurdag i Stavanger, og etter festkonsert og premieutdeling var det klart at Manger skulemusikklag fekk førsteplass i førstedivisjon med 97 poeng, berre eit halvt poeng føre Tertnes på andreplass. Knarvik skulekorps fekk ein fin tredjeplass, medan Sæbø enda på femte i den øvste divisjonen.

I andredivisjon var det også lokale korps med. Dei to korpsa som no står utan skule, Skodvin skulekorps og Kløvheim skulekorps, tok tredje- og fjerdeplass i denne divisjonen. Sandnes skulemusikk kom på sjetteplass. Divisjonen vart vunne av Lavik skulemusikk, med Krohnengen på andre.

Lindås skulekorps fekk sjetteplass i tredjedivisjon. I same divisjon fekk Hordabø skulemusikklag tiandeplass og Knarvik skulekorps junior, på trettandeplass.

I NM for janitsjar enda Sagstad skulekorps på ein tredelt sekstandeplass.

Det var mottaking for fleire av korpsa då dei kom heim søndag. Les om dei og alt om NM i tysdagsavisa.