Nordhordland vann alle divisjonane i brass-NM

Det vart bortimot storeslem til Radøy i årets NM for skulekorps i Stavanger laurdag.

Der tok Manger førsteplassen nok ein gong i 1. divisjon. Tertnes tok andreplassen,og Sæbø vart nummer tre.

Berre eit poeng skilte dei to første plassane i 1. divisjon. Manger fekk 96 poeng, medan Tertnes fekk 95 poeng. Sæbø som kom på tredjeplass fekk 93 poeng.

I 2. divisjon vann Skodvin Skulemusikk med eit halvt poeng framfor Søreide og Sandsli Skolekorps. Dei fekk høvesvis 95 og 94,5 poeng. Askøy Skolebrass kom på ein tredjeplass med 93 poeng I 3. divisjon kom Sandnes Skulemusikk på ein førsteplass med 96 poeng, Fitjar Skulekorps fekk 95 poeng på andreplass medan Frøyland skulekorps kom på 3. plass med 94 poeng, skriv Norsk Musikkkorps si heimeside spilleglede.no

Her kan du laste ned heile resultatlista.

- Det er heilt utruleg! Dette hadde eg ikkje trudd. Det seier Sindre Fanebust i Manger Skulemusikklag i følgje spilleglede.no.

Fanebust var ein av to som var på scena og mottok prisen. Musikantane i Manger gret og jubla om kvarandre då dei fekk vite at dei hadde spelt seg til ein førsteplass.

Les den fyldige dekninga i tysdagsavisa 26. juni.