Åtvarar mot tjuvar

– Fleire stader der det har vore innbrot, har folk fortalt at dei i tida før har hatt besøk av omreisande utlendingar som har bede om pengar, eller som har hatt småting å selja, fortel politioverbetjent Svein Fammestad til Strilen.

Avisa har og fått inn tips som peikar i same retning.

Enkelte stader har folk gått på dørene og vist fram skilt der det står «stum».

– Me har mistanke om at dette er ein gjeng på opp mot åtte personar som vert frakta rundt i distriktet, seier Fammestad.

Han mistenkjer at dei går rundt på dørene for å finna ut om der er noko å stela, og så kjem dei att seinare og gjer innbrot. I Litlevika i Knarvik er det folk som har fått endevendt huset sitt.

Det er mellom annan spor i snøen som gjer at politiet ser innbrota i samanheng.
Fammestad ber folk om å vera litt på vakt og melda frå viss dei ser noko mistenkeleg.