Byggjer ut i Alvermarka

– Etter planen skal den nye etasjen stå ferdig til skulestart til hausten.
Det seier byggjeleiar David Engebretsen i Nordhordland Bibelsenter.
Den kristne menigheiten er huseigar og byggjer ut skulebygget der Nordhordland Kristne Grunnskule er leigetaker.
Byggjearbeida starta opp for ein knapp månad sidan, og i startfasen var det 16 mann fra menigheten som jobbet dugnad for å demontera det gamle taket, går det fram av skulen si heimeside.

Har hatt fullt
– Dette er ei utviding skulen har sett fram til i fleire år. Skulen har auka elevtalet heile tida og har ei tid vore heilt full. Difor har skulen måtta takka nei til fleire nye elevar, seier byggjeleiaren.
Andre-etasjen vert på om lag 280 rutemeter og gjev plass for fire nye klasserom, to grupperom og to kontor.

Tilbygg for framtida
– Dermed få både elevar og tilsette heilt andre arbeidstilhøve. Dette er eit stort løft for menigheiten og vert også eit tilbygg for framtida, seier Engebretsen.
Med opprusting av uteområdet vil utvidinga av skulen koma på kring sju millionar kroner.
– Tilbygget skal vera klart til hausten, seier Engebretsen.
Utanfor skal skuleområdet rustast opp utover våren. Etter planen skal dagens parkeringspass verta eit bilfritt uteområde for elevane.