Gjorde gale alt som gjekk an

Slik forklarer politiet episoden som fann stad på Langøy laurdag ettermiddag i firetida.

Dei to viste seg å vera blant ein gjeng tjueåringar som var på hyttetur og dei hadde ikkje kjørt lenger enn 7-800 meter før dama bomma på vegen.

– Politiet var opptekne på andre kantar då ulukka skjedde, men me reiste ut så snart me kunne, seier politioverbetjent Kjell-Idar Vangberg til Strilen.

Då politiet fann ut kor dei to hadde teke tilhald, og oppsøkte dei der, viste det seg at dei to hadde fortsett å drikka.

– På det tidspunktet blas dama 2,0 på alkometeret, seier Vangberg.

Dei to vil no verta melde for ei rekkje lovbrot. Han for å ha gitt henne lov å kjøra bilen hans i rusa tilstand og utan førarkort, for å ha sett seg bak rattet sjølv i rusa tilstand og for å ha nytt alkohol etter ulukka.

Ho blir meld for promillekjøring og kjøring utan førarkort, og for å drukke etter ulukka, fortel Vangberg.