Vil gjerne blir pilotregion

– Reiselivslaget sitt avviklingsstyre skal vidareføra arbeidet til styret formelt er avvikla. Difor har dei framleis mandat til å sjå på nye moglegheiter for å fremja reiselivsnæringa i regionen, seier Reistad. Ho vil gjerne at Nordhordland skal bli pilotregion for den nye nasjonlel reiselivsstrategien som er på trappene.

Større slagkraft

Ho har stor tru på at den nasjonale planen vil føra til større slagkraft mot utlandet noko også vår region treng. I tillegg håper ho han kan føra til eit tettare samarbeid med Bergen.

– Når den nasjonale strategien kjem, hadde det vore kjempekjekt om me kasta oss over han og Hordaland kunne blitt eit føregangsfylke, seier ho.

Reistad er fullt klar over kva det kan betyr både på godt og vondt å vera tidleg ute, men ho er villig til å ta sjansen.

Destinasjon Norge

Det var rundt påsketider Nærings- og handelsdepartementet lanserte den nye nasjonale reiselivsstrategien under nemninga «Destinasjon Norge».

Eit viktig moment i den nye strategien er samarbeid mellom ulike aktørar for å skape heilskapelege og gode opplevingsprodukt som bidreg til brei verdiskaping.

Auka produktivitet i reiselivsnæringa, fleire heilårs arbeidsplassar og sterke bedrifter skal i lag med utvikling av unike, attraktive opplevingar vera steg på vegen mot å utvikla Noreg som ein berekraftig og enno meir attraktiv destinasjon.