Misjonsløpet har vore tradisjon sidan Danielsen ungdomsskule opna på Frekhaug i 2012. Her er det om og gjera å springa så mange runder ein maktar på 60 minutt, og så donera eit forhåndsavtalt beløp til skulens hjartesak, misjonsprosjektet i Mongolia.
– Det handlar om å gjera ein innsats for andre, seier rektor Laila Eidsheim.
Ho fortalde vidare at sjølv om ein liten komité har hatt spesielt arrangøransvar, har heile skulen lagt ned ein formidabel innsats.
I løpet av neste skuleår dreg ein delegasjon frå skulen til Mongolia og får sjå med eigne auge at innsatsen kjem til nytte.
– Då plukker me ut nokre elevar som får eit minne for livet. Me vil vurdera litt utifrå innsats, kven som brenn mest for prosjektet, kven som taklar det å opphalda seg over tid i ei framand kultur og ikkje minst formidlingsevna ved returen, seier Laila Eidsnes.