Desse får BKK-støtte

Det er i BKK-konkurransen Sosial Energi, der lag og organisasjonar har måtta kjempa om å få flest mogleg stemmer, at fleire lokale lag har hevda seg godt.

Då Strilen skreiv om konkurransen i starten av månaden var det seks lokale inne blant dei femten som fekk støtte. Og alle klarte alle å behalda plassen.

Desse får støtte frå BKK:

Stiftinga Utkant: Søkjer økonomisk støtte til planlegginga og gjennomføringa av Utkant på Skjerjehamn.

Fonnes Bygdelag: Ønskjer å gjera turstien frå Årvikane til Vardetangen tørrare og betre, samt laga 2 møteplassar med rom for fysisk trening og etablera 9 hols frisbeegolfbane.

Hilland Velforening: Søkjer om støtte til grus - og pukkmasse til å laga Pump Track (sykkelbane).

Meland Motorsport Klubb: Klubben bygger stor motocrossbane og har behov for stooooore mengder grus for utallige timar moro for store og små med sans for fart og spenning.

Fedje IL avd. klatring: Har lyst å laga to naturklatreveggar som skal vera opne for alle fastbuande og turistane som kjem ut der. Treng difor støtte til klatreutstyr som tau, sikringar, selar, hjelmar, boltar osv.

Vaksdal/Modalen Skyttarlag: Ønskjer å byggja innandørs 15-meter skytebane for å driva skytesport innan Det Frivillige Skyttervesen.

For Meland Motorsport Klubb blei det ekstra spennande. Dei fekk inn 2074 stemmer – like mange som Høyang IL, slik at begge enda opp med å få støtte.

Totalt kom det inn 43351 stemmer og vinnarane får pengar til prosjektet dei har søkt om, inntil 25.000 kr.