To vegar blir periodevis stengt fram til høvesvis 31. august og 1. september grunna utbetringar, melder kommunen på sine heimesider. I den samanheng kjem det også ny asfalt på nokre strekk.
«Vegen mellom Stordalen skisenter og Stordalsstølen på Fv. 381 vert stengd frå 21. til 31. august 2017.
Vegen vert stengd mellom kl. 22.00 - 05.00 måndag til fredag, melder Statens vegvesen, region vest. Rutegåande- og utrykkingskøyretøy får passere. Grunnen til stenginga er arbeid med utskifting av stikkrenner på strekninga.»
«Masfjorden kommune skal til med utskifting av stikkrenner på delar av Tangedalsvegen. Frå avkjøringa til Nordvang og til trafostasjon BKK, ca 1750m.
Tangedalsvegen vert stengt i perioden 21.08. – 01.09.2017. Stenginga vil føregå på kvardagar, måndag - fredag i tidsrommet 07.30 – 17.30 i inntil 3 timar om gangen.»