Det melde politiet på Twitter ved 15.30-tida.

– Det var Haukeland Universitetssjukehus som ringte og informerte oss, seier operasjonsleiar Frode Kolltveit i Vest politidistrikt.

Då mannen blei funnen av ein privat båt som var med i søket, hadde han lege i sjøen i nærare to timar - etter å ramla uti ved Fosnstraumen då han var på tur med hunden.

Mannen var i live då han var funnen, og det blei utført hjarte- og lungeredning - før han blei sendt til Haukeland Universitetssjukehus.

Men om lag ein time etter at ambulansen var framme, melde altså sjukehuset at mannen var gått bort.

Familien og sambuaren er informert om dødsfallet. Verken Radøy-ordførar Jon Askeland (Sp) eller Austrheim-ordførar Per Lerøy (Ap) har fått informasjon om at dei kommunale kriseteama er komme saman som resultat av dødsulukka.