Klokka 22.18 tysdag kveld melde politiet at ein bil har kollidert i autovernet på Flatøy.
Ulukka skjedde ved busstoppet ved Frank Mohn.
– Heile fronten på bilen er knust. Politiet er på staden og avhøyrer folk, rapporterte Strilen sin utsende.
Det var fire personar i bilen. Dei blei frakta til legevakt for sjekk, sjølv om det er lite som tydar på at nokon av dei var skadde.
– Dei har førebels ikkje komme med noko forklaring på korleis dei hamna i autovernet. Me opprettar sak, og vil avhøyra dei meir seinare, seier Arvid Samsonsen, operasjonsleiar i Vest politidistrikt.