Stal alt han kom over

Fire månader av straffa er på vilkår, og mannen har alt vore varetekstsfengsla i over ein månad, slik at straffa som skal sonast er eitt år.

Det omfattande siktinga, som mannen i det store og heile har sagt seg skuldig i, dekker nokre korte periodar i mai, juni og juli 2010.

Det er mellom anna tale om hytteraid, med innbrot i hytter i Meland, Radøy, Lindås, Austrheim og fleire andre kommunar, både i Bergensområdet og lengre vekke. I alt er det tale om innbrot og tjuveri frå tjue hytter og båtar.

Det er også tale om innbrot i ytterlegare åtte hytter eller båtar, men her fann ikkje mannen og hans kompanjongar noko å stela. Mannen har også stole ein bil og fleire båtar.

Bilturen vart stoppa av politiet medan båtane vart brukte til turar på kryss og tvers i Nordhordland og Øygarden. Dette er den femte dommen tjueåringen har fått.