Takkar Sakshaug med konsert

– Det vert nok litt uvant for han med eit arrangement der han ikkje har nokon oppgåver! seier pensjonert prest Ingvard Hageberg om takkekonserten for Sakseide i Meland-kyrkja fredag.
Der stiller mange opp for å takka Sakseide for 34 års innsats som organist. Hageberg har fått ansvaret for konserten i lag med Øystein Blom, Arnt Brakstad og Sølvi Knutsen, som står for opplegget på vegner av Meland sokneråd.
– Det vert eit spennande arrangement i samarbeid med Kystsogevekene på Holme dagen etter. Me låner partytelt derifrå og dekkar bord inni. Difor håpar me at veret vert nokolunde, seier Hageberg.
På konserten stiller mange av utøvarane som Sakseide har samarbeidd med gjennom åra:
Magnar Mangersnes, Alversund kammerkor, Linda Røyseth Sandhåland, Kjersti Fluge, Haakon Aase, Melano Jazzband, Johannes Lyngset, Gillian Gjelsvik, Stein Flataker, Nina Brakstad og Scala.
– Me håpar mange vil koma å få med seg konserten. Håpet er at billettinntekter og sponsing dekkar utgiftene. I telta etter konserten byr me blant anna på rømmegraut, som me har bestilt inn til 150 menneske. Og dei som ikkje likar det, skal me traktera med pølse, opplyser Hageberg.