Travel helg for politiet

Natt til laurdag fekk politiet to oppdrag på rappen. Først i Alversund klokka 02.13, der ein bil var etterlatt i vegen etter kollisjon med eit skilt. Bilen var ikkje kjørbar og måtte tauast vekk, vedkommande som hadde vore bak rattet var ikkje å sjå.

Klokka 02.21 var det smell ein annan plass i Lindås, no på Eknes. Der vart ein nittenåring hekta, mistenkt for kjøring i ruspåverka tilstand. Den ferske sjåføren hadde kjørt inn i ein parkert bil og deretter kjørt vidare, men politiet fann både bilen og mannen.

Klokka 04.04 natt til søndag gjekk turen til Radøy, der ein annan nitten år gamal mann vart gripen med mistanke om å ha kjørt i ruspåverka tilstand. Blodprøve vart tatt, og mannen er anmeldt.

I løpet av natta vart det også gjort skadeverk på ein del bilar som var parkerte på Ikenberget i Alversund. Her fekk politiet varsel søndag, og ingen er gripne så langt.