Strilen / Nyheter / Skal tvinga til engasjement
Brukernavn 
Passord 
 
Skal tvinga til engasjement

Skal tvinga til engasjement

Fjorten av 500 medlemer kom på ekstraordinært årsmøte i Radøy/Manger Fotballklubb. Dei 14 bestemte at andre foreldre skal tvingast til engasjement.

Publisert 01.02.10 18:50
Endret 01.02.10 18:49

Det ekstraordinære årsmøtet til Radøy/ Manger Fotballklubb fann stad søndag, og tre saker var oppe til avstemming.
Første sak om endring av organisasjonsstrukturen og siste om nye kontingentreglar vart samrøystes vedtekne, utan innvendingar. Litt meir ivrig vart debatten på sak nummer to – innføring av frivillig tvang.

Usedvanleg tungt år
– 14 av 500 medlemer stiller til møtet. Det seier kor lite folk bryr seg om kva me driv med for ungane deira.

Kommentaren frå ein deltakar på årsmøtet seier litt om fortvilinga blant dei få som faktisk engasjerer seg i å driva fotballklubben. Den seier også noko om kvifor ein no tek steget og vil tvinga foreldre til å engasjera seg, i det som skal vera ein frivillig organisasjon.

– Dette har vore eit usedvanleg tungt år. Me har vore 15 som har gjort all jobben, om eg legg godviljen til, seier leiar Truls Berntsen til dei andre 13 i rommet.

Ein av hovudgrunnane til både omorganisering og bruk av tvang, er at dei få som er med, vert utbrente.

– Arbeidsmengda må vera overkommeleg. Det skal ikkje vera slik at dei som engasjerer seg må jobba dag og natt for å få det til å gå rundt, seier Berntsen.

Kan læra av andre
Avgjerda om å tvinga foreldre til å ta på seg ulike verv i organisasjonen, gjekk ikkje utan diskusjon. Dei frammøtte diskuterte variantar som andre idrettslag i regionen har hatt hell med, når det gjeld å få opp foreldredeltakinga. Også ei løysing som krev meir pengar var oppe til diskusjon.

– Når me er oppe i éin million i omsetning, då kan me jo lufta om me treng ein dagleg leiar. Ein som er betalt for å ta det som er tungt, foreslo Arne Askeland.

I tillegg til å sjå til andre idrettslag, har styret også sett til musikklaga.

– Dei haiar folk inn, og dei får det til, seier leiar Berntsen.

– Ja, dei gjer noko riktig. Me må sjå og læra, ikkje stå med hua i handa, seier styremedlem Kurt Barvåg.

Noko alle var samde om, var at foreldra må tvingast med i organisasjonen, før ting kan verta betre. Forslaget vart samrøystes vedteke.

Går utover borna
Med eit samrøystes ekstraordinært årsmøte i ryggen, går styret no ut med strenge reglar. Tidlegare har kvart lag hatt éin trenar og éin lagleiar.

– Nytt no vert at kvart lag også må stilla ein foreldrerepresentant som skal inngå i klubben sin organisasjon, seier leiar Berntsen.

Om foreldra ikkje stiller med denne representanten, vil det gå ut over fotballaget. Det vil ikkje verta påmeld i serien, får ikkje vera med på Manger Cup, får ikkje treningstid i Radøyhallen, vert sist prioritert på utebanene og får ikkje tildelt treningsutstyr.


Tips andre

Skriv ut

Tips en venn




Skodvin-klasse best i avislesing

Skodvin-klasse best i avislesing

Ingen andre sjuande­klassar var like flinke til å hugsa detaljar.

    Protesterer mot «tvilsam» ankring

    Protesterer mot «tvilsam» ankring

    MASFJORDEN: Dei siste månadene har det stadig lege båtar oppankra ved Haugsøytangen i Masfjorden. Det vil kommunestyret ha slutt på.

    Mar Christina, som hadde ein eksplosjon ombord ved kai i Sandfjord i fjor, er ein av båtane som skal ha ankra opp her. (Foto: Atle Møller, Sandefjord Blad)

      Går for rekorden

      Går for rekorden

      KNARVIK: Tysdag og torsdag i neste veke skal Knarvik-elevane samla inn pengar til Aserbajdsjan.

        – Tenk nytt, ikkje nedlegging!

        – Tenk nytt, ikkje nedlegging!

        Nytenking og spissing av tilbodet var rådet frå dei som skal bestemma. Støttegruppa vil like mykje ha eit breidt tilbod og nybygg ved Austrheim vidaregåande.

          «Folk ved fjorden» på kino i Oslo

          «Folk ved fjorden» på kino i Oslo

          Øyvind Sandberg sin siste dokumentarfilm opnar på to kinoar i hovudstaden denne helga.

            Skøyteis på Fossemyra

            Skøyteis på Fossemyra

            «Skøytebana» på Fossemyra opnar i kveld

              Siste kortnytt

              Eldre artikler