Sydde tre kjolar til sitt eige bryllaup

– Det var den einaste måten eg kunne få kjolen akkurat slik eg ville ha den, seier Anja Rambjørg Brendehaug til Strilen.

Mykje arbeid
Den tiande juli gifte ho seg med Stig Brendehaug i Sandviken kirke. Til bryllaupet hadde ho ikkje berre sydd sin eigen kjole, men også kjolar til mora og søstera.
– Arbeidet med brudekjolen tok kring 100 timar. Kjolane til søstera og mor mi brukte eg kring 50 timar kvar på, så det har absolutt vore mykje arbeid. Eg starta i fjor haust, og var ferdig ei veke før bryllaupet, seier Rambjørg Brendehaug.  

Elegant brud
Rambjørg Brendehaug blei sjølv veldig nøgd med resultatet, og synest det var vel verdt all jobbinga.
– Eg er godt nøgd med alle kjolane, og spesielt brudekjolen. Søstera mi var veldig bestemt på korleis ho ville ha sin kjole. Ho hadde eigne idear eg måtte ta utgangspunkt i, så det har også vore ei lærerik prosess.

Utdanna i Knarvik
Det er sjølvsagt ikkje første gong Anja Rambjørg Brende-haug syr.
Ho har lang erfaring og har blant anna tatt utdanna i Knarvik.
– Eg har sveinebrev i kjole- og draktsaum frå Knarvik og Bergen Yrkesskule. Eg har jobba fem år ved Atelier V- design og søm, så dette er ikkje mitt første prosjekt. Å sy blonder var det eg hadde minst erfaring med, og kanskje den største utfordringa.

Startar for seg sjølv
I haust startar Anja Rambjørg Brendehaug for seg sjølv, og skal sy selskapstøy til vaksne damer mellom 40 og 60 år.