Toppar fjoråret

– I fjor hadde me 2300 besøkande til saman heile veka. I år kjem me nok langt over 3000 i år, trur dagleg leiar for Havsportveka, Odd Arne Blindheim. Han fortel at også talet på frivillige aukar dag for dag. – Me begynte med 105, og no er me oppe i 137. Folk kjem stadig og spør om dei kan få hjelpa til etter kvart som ryktet om at me treng fleire spreier seg, fortalte Blindheim i går.
Dei aktivitetane som har vore mest populære så langt, er seglbrettkurs og våtkort kajakk. Elles har den nye aktiviteten med ståande padling på brett også gått veldig bra. Det einaste dei har litt ledig på, er segling, men også den aktiviteten kan plutseleg ta seg opp slik han gjorde i fjor, trur Blindheim.
Med det veret som er meld for helga ligg det an til å verta ei knallhelg. I fjor regna det i to dagar.
–  Me hadde eit par timar med regn midt på dagen i går, men litt vatn må ein tola når ein driv med havsport, seier Blindheim.