Trerot utløyste leiteaksjon

– Me fekk melding om at ein mann var observert i sjøen like ved Vikebø kai og sendte ut dykkarar, båt og luftambulanse. Sistnemnte har no returnert frå staden, fordi me så langt ikkje har gjort noko funn. Resten av mannskapa er der framleis, fekk Strilen opplyst av brannvakta i Bergen klokka 18.30.

I følgje Bt.no var det gjort observasjonar av ein person som ausa ein båt og seinare vart det observert noko som såg ut som ein person som låg i vatnet. Etter resultatlaust søk, konkluderte leitemannskapa med at meldar truleg hadde sett ein trerot som låg og flaut i sjøen.

Hendinga vart meldt til brannvern og politi onsdag klokka 17.28.