Vil gje Skodvin eit venteår

Men saka er ikkje avgjort, og når kommunestyret skal avgjera spørsmålet kan det snu. 
I formannskapet var det Ap og Frp som sa nei til å gje skulen eit ekstra leveår, slik foreldregruppa har bedt om i samband med at det er søkt om oppstart av ein privatskule etter Montessori-modellen.

Kommunestyret i Lindås sa i juni at skulen skulle leggjast ned frå skuleåret 2011/2012, det vart vedteke med røystene frå nettopp Ap og Frp, og Unni Sæbø som stemte mot resten av Høgre-gruppa. Desse to partigruppene og Sæbø har fleirtal om dei stemmer likeeins når utsettingssøknaden kjem opp i kommunestyret 16. september.

Det gjekk varmt under debatten i formannskapet torsdag, der Frp og Ap meinte dei andre partia dreiv med omkamp av skuleplanen. Høgre, Sp, Venstre og KrF svara med at dei berre ville det beste for elevane i den situasjonen som no har oppstått.

Les om debatten og skulesituasjonen i Strilen laurdag.