15.000 lass med stein

? Sidan arbeidet byrja på tunnelen mellom Espeland og Herland, har me køyrd vekk 128.000 kubikk stein. Det vil sei omlag 15.000 lastebillass berre frå tunnelen, fortel transportleiar Gisle Villanger i Nordhordland Transportkontor AS. Dei er leigd inn av Vassbakk og Stol, og stillar med seks lastebilar på det meste og gravemaskin til heile vegprosjektet på Rv 57.
? Arbeidet har gått veldig bra, og det har hatt positive ringverknader for vårt firma. Me har fått fleire oppdrag og leveringar etter me byrja arbeidet på Seim, seier Villanger. Steinen som er teken ut av den nye tunnelen har vorte frakta til ulike plassar.
? Noko er frakta til eit mellomlager på Herland, og noko av massane er køyrd vekk til andre prosjekt rundt omkring. I dag køyrer me blant anna til Mongstad med stein, opplyser Villanger. Nordhordland Transportkontor AS har vore med på vegprosjektet sidan starten, og skal vera med til jobben er ferdig.