? Gjervik bør vera LNF-område

Dette var i tråd med bygdefolket sine ønskje.
? Eg er veldig nøgd med dette vedtaket, seier Geir Reigstad, som saman med broren Håkon har kjempa imot planane til grunneigar Olav Kåre Vatnøy, om å få utnytta eigedomen sin i Gjervik til næringsføremål.
Vedtaket, som vart gjort etter forslag frå Anne Lise Warberg (SV), vart avgjort med planutvalsleiar Kjartan Nyhammer (Sp) i dobbeltrøyst, og han hadde med seg V, SV og KrF til å sikra fleirtalet.
? Det har vore mykje konfliktar i samband med næringsområdet på Ikenberget. Eg er veldig imot at me skal få same galeien i Gjervik, sa Leif Arne Økland (KrF).
Odd Vabø (H) røysta mot forslaget til Warberg.
? Eg høyrer at alle vil ha næringsområde ein annan stad. Dette kan fort verta i Askøy og Meland i staden for i Lindås. Me kan ikkje basera oss på at all næring i Lindås skal leggjast til Mongstad Nord, sa Vabø.