Aagaard-Nilsen vann nordisk

Radværingen gjekk vidare til finalen frå uttaket fredag, og vann altså finalen laurdag kveld. Aagaard-Nilsen var ein av tre solistar i finalen. Den andre norske solisten i finalen var Ole-Henrik Mohn Pettersen, som kom på 2. plass bak Aagaard-Nilsen i open klasse i NM i fjor. Finalen, som starta i dag klokka 19, var også festkonsert for NM for solistar. I innleiande runde spelte Aagaard-Nilsen Haydn sin trompetkonsert. Han spelte Arutjunian sin trompetkonsert i finalen - eit svært krevjande stykke.

Fleire lokale utøvarar deltok i ensemble-NM.
I yngste klasse fekk dei lokale følgjande plasseringar:
3. plass: Kornettkvartett frå Sandnes Skulekorps
4. plass: Brassoktett frå Sæbø Skulemusikklag
10. plass: Kornettrio frå Manger Skulemusikklag

I den nest yngste klassen vart det delt 8. plass mellom brasskvintetten frå Manger Skulemusikklag og Nordhordland slagverkensemble.

I open klasse kom trombonekvartetten frå Meland på 2. plass.

I yngste solistklasse kom Reidun Ryland frå Knarvik på 15. plass og Edward Antrobus frå Manger på 16. plass.

Konkurransane gjekk av stabelen i Oslo no i helga. Deltakarane til NM måtte først kvalifisera seg gjennom ein uttaksrunde tidlegare i år.