Aarvik sluttar som einingsleiar

? Eg har ikkje levert noko oppseiing, men eg kan stadfesta at eg har sagt ifrå at eg ikkje vert ståande i denne jobben, seier Aarvik til Strilen. Han seier at han gav denne meldinga til administrasjonen tidlegare denne veka.
Ut over å stadfesta at han sluttar i den doble rektorjobben, ønskjer Aarvik ikkje å gje kommentarar. Han ber om at hans namn i minst mogleg grad vert trekt inn i saka.

Har fått signal
? Eg har vorte orientert om at Aarvik er sjukemeld, men både dette og handteringa av innspurten av skuleåret vert takla administrativt, seier ordførar Tove Linnea Brandvik. Ho har så langt berre hatt tid til å ha ein kort samtale med rådmannen om saka.
? Har du fått signal om stort arbeidspress?
? Både og. For skulane i Knarvik er situasjonen spesiell, i og med overføring av Alversund-elevar og utbyggingsplanar. Dette har kome i tillegg til nye oppgåver som omorganiseringa midt i skuleåret førte til, seier Brandvik.
Ho ser ikkje bort frå at kommunen kan måta drøfta korleis ein skal løysa det ekstra arbeidspresset for Knarvik-skulane, og om det trengst justeringar av dagens organisering. Men ordføraren vil ikkje ha noko meining om den konkrete saka kan knytast opp mot omorganiseringa.
 
? Enormt arbeidspress
? Som leiar i Utdanningsforbundet i Lindås føler Laila Rydland seg sikker på at Aarvik sluttar på grunn av eit altfor stort arbeidspress.
? Konkret kva Aarvik har uttalt til meg, er det ikkje rett av meg å gå ut med offentleg Men på generelt grunnlag vil eg hevda at einingsleiarane med ansvar for fleire skular, har eit enormt og umenneskeleg arbeidspress, seier Rydland.
? Har dette arbeidspresset kome som eit resultat av omorganiseringa?
? Ja, dette gjeld for dei som leiar to skular. For Knarvik sin del har einingsleiaren svært mange tilsette, elevar og foreldre å forhalda seg til. Det går i møte og innspel heile tid, og i tillegg kjem arbeid med planane for utbygging av ungdomsskulen.
Rydland reknar med at den konkrete saka der Aarvik har sagt opp, vert tatt opp i neste møte Utdanningsforbundet skal ha med rådmannen.
? Utdanningsforbundet vil jobba vidare for å få tilbake ordninga med ein rektor på kvar skule, seier Rydland.