Aksjon for fjerning av ubåten

? Eg har inntrykk av at alle her på Fedje vil ha fjerna dette vraket, i staden for tildekking slik Kystverket tilrår, seier Marie Karlsen, ein av initiativtakarane til aksjonen.
Torsdag 11. januar vil dei gjennomføra eit fakkeltog på Fedje for å markera synet sitt i denne saka. Karlsen seier at dei ikkje heilt har bestemt seg for korleis dei vil følgja opp saka vidare, men at dei sit med veldig mange spørsmål.
? Dei seier at ei tildekking er det beste. Men kva kan skje med denne kvikksølvlasta om mange år? Me er opptekne av at havet skal vera reint også i framtida, seier Karlsen.
Ubåten som vart senka under krigen inneheld truleg rundt 65 tonn kvikksølv. Det er meir enn 30 gongar dei årlege kvikksølvutsleppa i Noreg.