Alt for fort i Gulen

? Dette er ille, eg begrip ikkje at dei vågar å kjøra så fort, seier politibetjent Geir Fjeldstad ved Gulen lensmannskontor. Mannen som dei beslagla førarkortet til, kom kostande i heile 134 kilometer i timen forbi politiet sin laser.
? Han sa han skulle i bryllaup, men eg trur ikkje han var verken brudgommen, forlovaren eller presten, så då kan det no ikkje ha hasta så kolossalt, seier Fjeldstad.
I Fjordsdalen, som det heiter akkurat der politiet stod, er det åttisone, men det var det ikkje mange som brydde seg om.
? Mange av dei 27 som fekk førelegg låg tett oppunder 116 kilometer i timen. Dei fleste låg mellom 111 og 114, seier Fjeldstad.
Etter det nedslåande resultatet fredag ettermiddag, lovar han at det skal bli mange fleire kontrollar framover. Og då snakkar han om kontrollar utført både både av lensmannskontoret og UP. For griskjøring som den han var vitne til i helga, vil han ikkje ha.
? Etter det eg kjenner til, går det ferje på Oppedal kvar halvtime, så unnskyldninga om å måtta nå ferja, heldt ikkje, seier han.